Live Updates

ز* حیدر آباد میں گیس سلنڈر پھٹنا معمول بن گیا ، انتظامیہ سو گئی ،اسلم غوری

بدھ 30 اپریل 2025 20:05

حیدرآباد(اُردو پوائنٹ اخبارتازہ ترین - آن لائن۔ 30 اپریل2025ء) میری پہچان پاکستان کے رہنماؤں محمد پناھ پنیار، اسلم غوری اور دیگر نے حیدرآباد پریس کلب میں پریس کانفرنس کرتے ہوئے کہا کہ ضلع حیدرآباد میں ہر روز گیس سلنڈر پھٹ رہے ہیں لیکن ضلعی انتظامیہ پر کوئی فرق نہیں پڑتا، حالانکہ غیر قانونی ایل پی جی گیس بند کروانا ڈی سی حیدرآباد کی ذمہ داری ہے۔

(جاری ہے)

گزشتہ سال بھی لیاقت کالونی میں گیس سلنڈر پھٹنے سے 25 افراد ہلاک ہوئے تھے، لیکن انتظامیہ پیسوں کے عوض آنکھیں بند کیے بیٹھی ہے۔ یہ حیدرآباد شہر کو تباہ کر رہے ہیں۔ ڈی سی حیدرآباد کو فوری طور پر غیر قانونی ایل پی جی گیس سلنڈر بند کروانے چاہئیں۔ حکمران عیاشیوں میں مصروف ہیں جبکہ لوگ مر رہے ہیں۔ انہوں نے کہا کہ نہ کوئی پالیسی ہے، نہ کسی قانون پر عملدرآمد ہو رہا ہے، نہ ہی کوئی حفاظتی نظام قائم کیا جا رہا ہے۔ صرف اور صرف لاپرواہی ہے جس کی وجہ سے حیدرآباد میں ہر روز گیس سلنڈر پھٹ رہے ہیں۔ ڈی سی حیدرآباد اور دیگر اعلیٰ حکام کو نوٹس لے کر ایل پی جی گیس فلنگ کا کام مکمل طور پر بند کروانا چاہیے۔