/چیرمین اسلامی نظریاتی کونسل اورمعرو ف دینی سکالرڈاکٹر راغب حسین نعیمی سٹیٹ بینک کی شرعیہ ایڈوائزری کمیٹی کے چیئرمین مقرر

ّڈپٹی گورنر سٹیٹ بینک آف پاکستان سلیم اللہ کی جانب سے باقاعدہ نوٹیفکیشن جاری کردیا گیا

بدھ 30 اپریل 2025 20:35

ژ اسلام آباد (اُردو پوائنٹ اخبارتازہ ترین - آن لائن۔ 30 اپریل2025ء) چیرمین اسلامی نظریاتی کونسل اورمعرو ف دینی سکالرڈاکٹر راغب حسین نعیمی سٹیٹ بینک کی شرعیہ ایڈوائزری کمیٹی کے چیئرمین مقرر کردیئے گئے۔ڈپٹی گورنر سٹیٹ بینک آف پاکستان سلیم اللہ کی جانب سے باقاعدہ نوٹیفکیشن جاری کردیا گیاہے۔ڈاکٹر راغب حسین نعیمی جامعہ نعیمیہ لاہور کے مہتمم اور اسلامی نظریاتی کونسل کے چیئرمین کی حیثیت سے بھی اپنی خدمات سرانجام دے ہیں۔

ڈاکٹر محمد راغب نعیمی گورنمنٹ کالج کے گریجویٹ ہیں. وہ پنجاب یونیورسٹی سے ایم اے عربی میں گولڈ میڈلسٹ ایم اے معاشیات اور اسلامی معاشیات میں پی ایچ ڈی ہیں۔آپ نے دینی تعلیم دارالعلوم جامعہ نعیمیہ لاہورسے حاصل کی ہے۔یاد رہے ڈاکٹرراغب حسین نعیمی اس وقت کئی پوزیشن پرخدمات سرانجام دے رہے ہیں۔

(جاری ہے)

ڈاکٹر راغب حسین نعیمی لاہور میں معروف دینی درسگاہ جامعہ نعیمیہ کے ناظم اعلیٰ ہیں ، آپ پنجاب قران بورڈ اور متحدہ علمائ بورڈ پنجاب کے چیئرمین اورپنجاب زکوةٰ کونسل کے ممبر بھی رہے ہیں،اس کے ساتھ ساتھ آپ مرکزی رویت ہلال کمیٹی کے رکن بھی ہیں۔

پنجاب یونیورسٹی لاہور اورزرعی یورنیورسٹی فیصل آباد کے سنڈیکٹ کے ممبر ہیں۔معاشرے میں تعلیم کے فروغ،امن وامان کے قیام اوربین المذاہب ومسالک رواداری کے فروغ کیلئے آپ کی خدمات کو قدر کی نگاہ سے دیکھا جاتاہے۔گزشتہ سال آپ کو دینی،تعلیمی اورسماجی خدمات کے اعتراف میں صدرمملکت کی جانب سے ستارہ امتیازسے نوازا گیا ہے۔۔۔۔ اعجاز خان