پشاور،سکول ٹیچر ،خاتون کے قتل کا ڈراپ سین، قاتل رشتے دار نکلے

پولیس نے استاد کے قتل کے الزام میں سالے ،خاتون کے قتل میں شوہر کو گرفتار کرلیا

بدھ 30 اپریل 2025 21:10

پشاور (اُردو پوائنٹ اخبارتازہ ترین - این این آئی۔ 30 اپریل2025ء)پشاور فقیرآباد میں قتل ہونیوالے سکول ٹیچر اور خاتون کے قتل کا ڈراپ سین ہوگیا،پولیس نے استاد کے قتل کے الزام میں سالے اور خاتون کے قتل میں شوہر کو گرفتار کرلیا۔پولیس کے مطابق گرفتار ملزمان نے ابتدائی تفتیش کے دوران اعتراف جرم بھی کرلیا۔

(جاری ہے)

پولیس کے مطابق ٹیچر کے قتل میں مقتول کا سالہ فواد ملوث ہے، ملزم نے رقم کی لین دین پر اجرتی قاتلوں کے ذریعے بہنوئی کو قتل کروایا۔دوسری کارروائی کے دوران فقیرآباد پولیس نے بیوی کو قتل کرنے والے شوہر کو گرفتارکر لیا ہے، گرفتار ملزم عدنان عالم نے گھریلو ناچاقی پر بیوی کو قتل کیا۔پولیس کے مطابق گرفتارملزمان سے مزید تفتیش جاری ہے۔