فالز فلیگ آپریشن کی آڑ میں مودی نے بھارت میں آمریت نافذ کر دی،بیرسٹر سیف

جمعہ 2 مئی 2025 13:10

پشاور(اُردو پوائنٹ اخبارتازہ ترین - این این آئی۔ 02 مئی2025ء)مشیر اطلاعات خیبرپختونخوا بیرسٹر ڈاکٹر سیف نے کہا ہے کہ فالز فلیگ آپریشن کی آڑمیں نریندرمودی نے بھارت میں آمریت نافذ کر دی ہے۔اپنے ایک بیان میں بیرسٹر سیف نے کہاکہ جو بھی فالز فلیگ آپریشن پر اعتراض کرتا ہے، اسے نشان عبرت بنایا جاتا ہے، جمہوریت کے دعویدارملک میں آزادی اظہار رائے پر مکمل پابندی عائد کر دی گئی ہے۔

(جاری ہے)

انہوں نے کہاکہ انسانی حقوق کی پامالیوں میں ریکارڈ اضافہ ہوا ہے، فالز فلیگ آپریشن کے دفاع میں نریندر مودی فسطائیت پر اٴْتر آیا ہے، مودی نے آر ایس ایس کے نظریے کے پرچارمیں پورے خطے کے امن کو داؤ پر لگا دیا ہے۔صوبائی مشیر اطلاعات نے کہاکہ کوئی بھی فالز فلیگ آپریشن کو حقیقت ماننے کیلئے تیار نہیں، فالز فلیگ ڈرامے کی ناکامی پر نریندر مودی حواس باختہ ہو چکے ہیں۔