Live Updates

پہلگام واقعے میں مودی کی غلفت اور لاپرواہی کارفرما ہی: مقبوضہ کشمیر کے سابق گورنر بھی پھٹ پڑے

جمعہ 2 مئی 2025 23:01

سرینگر(اُردو پوائنٹ اخبارتازہ ترین - این این آئی۔ 02 مئی2025ء)مقبوضہ کشمیر کے سابق گورنر ستیہ پال ملک نے بھی پہلگام واقعہ کا ذمہ دار مودی کو قرار دے دیا۔غیر ملکی میڈیا کے مطابق ایک انٹرویو میں مقبوضہ کشمیر کے سابق گورنر ستیہ پال ملک نے کہا کہ نریندر مودی کی غلفت اور لاپرواہی پہلگام واقعے میں کارفرماہے، پہلگام حملے پر مودی سے جواب دہی ہونی چاہیے۔

(جاری ہے)

انہوں نے کہا کہ بی جے پی قومی سلامتی کو اپنے سیاسی پروپیگنڈے کے لیے استعمال کررہی ہے۔دوسری جانب مقبوضہ کشمیر کے رہنما فاروق عبداللہ نے بھارت میں دہائیوں سے مقیم پاکستانیوں کی بے دخلی کو غیر انسانی قرار دے دیا۔فاروق عبداللہ کے مطابق بھارت میں پاکستانی 50 برسوں سے مقیم ہیں ، انہیں ڈی پورٹ کرنا غیر انسانی اور نفرت کا باعث ہے۔