کمشنر کراچی سید حسن نقوی کا پاکستان اسٹیل سے متعلق اعلی سطح کا اجلاس

ڈی سی ایسٹ سے معلومات گلستان جوہر میں تجاوزات کے خلاف آپریشن ،تجاوزات قائم کرنے والی دوکانوں کو سیل کرنے کا حکم

جمعہ 2 مئی 2025 19:55

کراچی (اُردو پوائنٹ اخبارتازہ ترین - این این آئی۔ 02 مئی2025ء)کمشنر کراچی سید حسن نقوی نے آج پاکستان اسٹیل سے متعلق ایک اہم اجلاس منعقدکیا جن میں پاکستان اسٹیل کے افسران کے ڈبلیو ایس سی، کے الیکٹرک،ایس ایس جی سی، تعلیم، صحت کے افسران اے سی ریونیو سجادابڑو نے بھی شرکت کی جبکہ ڈپٹی کمشنر ملیر سلیم اللہ اوڈ ھونے کمشنر کراچی کو ویڈیو لنک پر تفصیل کے ساتھ آگاہی دی کمشنر کراچی نے اجلاس کے شرکا کو ہدایت کی کہ وہ پیر5 مئی تک تمام معاملات طے کریں تا کہ ہم اس اہم مسئلیکے حل کے لئے بہتر کام کرسکیں انھوں نے خصوصا پی ایس کیڈٹ کا لج سے متعلق معلومات حاصل کیں دریں اثناکمشنر کر اچی نے شاہراہ قائدین کی تزئین و آرائش سے متعلق ایک اہم اجلاس منعقد کیا جس میں ایڈیشنل کمشنر غلام مہدی شاہ، ایڈیشنل کمشنر اسد کھو سو، ڈپٹی کمشنر ایسٹ ابرار جعفر ا ور ڈائریکٹر اسپورٹس غلام محمد خان بھی شریک ہوئے کمشنر کر اچی نے ڈپٹی کمشنر ایسٹ سے اب تک کی صورتحال پر معلومات لیں اور ان کو ہدایت دی کہ فوری طور پر خداداد کالونی چورنگی تانرسری ہر قسم کی تجاوزات کا خاتمہ کر دیا جائے اور جن دوکانوں ، ہوٹلوں کے سامنے تجاوزات ہیں ان کو سیل کر دیا جائے انہوں نے شاہراہ قائدین پرموسمی پھولوں کو لگانے کی ہدایت کی دریں اثناکمشنر کراچی نے جناح ٹاون کے چیئرمین رضوان سمیع سے بھی ملاقات کی اور ان کی شکایات پر موقع پر ہی ڈپٹی کمشنر ایسٹ کو ہدایت کی اور خصوصی طور پر سی پی برار سوسائٹی میں ناجائز کارواش سروس اسٹیشن کے خلاف کارروائی کا حکم دیادرین اثنا اہلیان لائینز ایریا نے کمشنر کراچی سید حسن نقوی اورڈی آئی جی ٹریفک کراچی ٹریفک پیر محمد شاہ کا پرانی نمائش گرین لائن اسٹیشن پر ٹریفک کا مسئلہ حل کرنے پر اظہار تشکر کیا جس سے ٹریفک جام کا بہت بڑا مسئلہ حل ہو گیا اور ٹریفک کی روانی بہترین ہوگئی ہے کمشنر کراچی آج ہفتہ کو ضلع جنوبی کے علاقوں کا دورہ کرینگے اور صفائی ، ترقیاتی کاموں، سیوریج کے مسائل پر متعلقہ افسران سے بریفنگ لیں گے۔