Live Updates

سینیٹر عرفان صدیقی کا سینیٹر ساجد میر کے انتقال پر اظہار افسوس

ہفتہ 3 مئی 2025 18:47

سینیٹر عرفان صدیقی  کا سینیٹر ساجد میر کے انتقال پر اظہار افسوس
اسلام آباد (اُردو پوائنٹ اخبارتازہ ترین - اے پی پی۔ 03 مئی2025ء) سینیٹ میں مسلم لیگ (ن) کے پارلیمانی پارٹی کے رہنما اور قائمہ کمیٹی برائے خارجہ امور کے چیئرمین سینیٹر عرفان صدیقی نے جمعیت اہل حدیث پاکستان کے سربراہ سینیٹر علامہ ساجد میر کے انتقال پر گہرے دکھ کا اظہار کیا ہے۔

(جاری ہے)

مرحوم کے اہل خانہ کے نام اپنے تعزیتی پیغام میں سینیٹر عرفان صدیقی نے کہا کہ علامہ ساجد میر کے انتقال سے شرافت اور اقدار کے دور کا خاتمہ ہو گیا ہے،وہ اپنی پوری زندگی قوم اور مذہب کی ترویج اور عوام کی خدمت کے لیے غیر متزلزل عزم کے ساتھ سرشار رہے۔

انہوں نے کہا کہ ان کے انتقال سے نظریاتی سیاست میں ایک گہرا خلا پیدا ہو گیا ہے۔ وہ اسلامی اقدار، نظریہ پاکستان اور مشرقی روایات کی علامت تھے۔انہوں ے مزید کہا کہ تاج حیدر کے انتقال کے بعد، پروفیسر ساجد میر کے انتقال سے ایوان بالا میں ایک اہم خلا پیدا ہوا ہے۔انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوار خاندان کو صبر جمیل عطا فرمائے۔
Live پہلگام حملہ سے متعلق تازہ ترین معلومات