Live Updates

وادی میں تعینات 11 لاکھ افواج نے چوڑیاں پہن رکھی ہیں،بزرگ شہری

بند کرو یہ ڈرامہ بازی، حملہ کرنے والوں کو ڈھونڈنابھارت کا کام ہے،بھارتی میڈیا کو آئنہ دکھا دیا

ہفتہ 3 مئی 2025 19:38

سرینگر (اُردو پوائنٹ اخبارتازہ ترین - آن لائن۔ 03 مئی2025ء) مقبوضہ کشمیر کے بزرگ شہری نے پہلگام فالس فلیگ کے معاملے پر بھارتی میڈیا کو آئینہ دکھادیا۔ میڈیا رپور ٹ کے مطابق ذرائع کا کہنا ہے کہ پہلگام فالس فلیگ کے بعد کشمیر کے لوگوں کی بھارتی فوج پر سخت تنقید کا سلسلہ جاری ہے ۔ کشمیر کے ایک بزرگ شہری نے فالس فلیگ پر بھارتی میڈیا پر برس پڑے ۔

کشمیری بزرگ کا کہنا ہے کہ بند کرو یہ ڈرامہ بازی، اب میڈیا پہلگام میں نہیںآنا چاہئے۔ بھارت نے گیارہ لاکھ فوج کشمیر میں تعینات کر رکھی ہے۔ اتنی بڑی فوج کے باوجود پہلگام واقعہ ہوا ہے۔ کشمیری بزرگ نے سوال کیا کہ فوج کیا کر رہی ہے، کیا فوج نے چوڑیاں پہن رکھی ہیں۔ یہ سب پیسے کا کھیل ہے، یہ کام وہی انسان کرے گا جو لالچی ہوگا۔

(جاری ہے)

یہ کام کسی بے ایمان شخص کا ہے، ایماندار شخص ایسا نہیں کرسکتا۔

حملہ کرنے والوں کو ڈھونڈنا ان کا کام ہے۔ حملے کے وقت ہندوو ں کو قتل کرتے ہوئے کلمہ پڑھنے کے سوال پر ان کا کہنا تھا کہ دین کے معاملے میں کوئی زبردستی نہیں، کیوں کوئی پڑھائے گا کلمہ۔ یہ بھارت کیلئے کوئی نئی بات نہیں، ماتما گاندھی، راجیوگاندھی اور اندرا گاندھی کو مارنے والا مسلمان نہیں تھا۔ کوئی مسلمان دہشتگرد نہیں تھا، ان کو ہندوؤں نے ہی مارا۔ سیاسی تجزیہ کاروں کا کہنا ہے کہ کشمیری بزرگ کی گفتگو ثابت کرتی ہے کہ پہلگام فالس فلیگ حملہ ہے۔ بی جے پی مذہب کی آڑ میں مسلمانوں پر حملے کر رہی ہے۔