Live Updates

وزیر اعظم کے معاون خصوصی ہارون اختر خان کی زیر صدارت سمیڈاکے بورڈ آف ڈائریکٹرز کا اجلاس،ادارے کے ری ویمپنگ پلان کی منظوری دے دی گئی

اتوار 4 مئی 2025 15:10

لاہور (اُردو پوائنٹ اخبارتازہ ترین - اے پی پی۔ 04 مئی2025ء) وزیر اعظم کے معاون خصوصی برائے صنعت و پیداوار ہارون اختر خان کی زیر صدارت سمال اینڈ میڈیم انٹرپرائزز ڈویلپمنٹ اتھارٹی (سمیڈا) کے بورڈ آف ڈائریکٹرز کا 30 واں اجلاس گزشتہ روزمنعقد ہوا۔اجلاس میں سمیڈا میں اصلاحات کے نفاذ کے منصوبے کی منظوری دی گئی۔ اجلاس میں بورڈ ممبران کے علاوہ وفاقی سیکرٹری صنعت و پیداوار سیف انجم اور سمیڈا کے سی ای او سقراط امان رانا بھی موجود تھے۔

ہارون اختر خان نے ایس ایم ای ڈویلپمنٹ پر وزیر اعظم کے وژن کا حوالہ دیا اور سمیڈا کے تیز رفتار کام پر اطمینان کا اظہار کیا۔ انہوں نے اس بات کا اعادہ کیا کہ پاکستان کی معیشت کا مستقبل ایس ایم ایزکی ترقی سے وابستہ ہے اور وزیر اعظم ایس ایم ایزکو بین الاقوامی معیار کے برابر کرنے کے لیے پرعزم ہیں، جس کے لیے انہوں نے بین الاقوامی ماہرین کی خدمات حاصل کرنے کی ہدائت کی ہے۔

(جاری ہے)

یاد رہے کہ وزیراعظم نے سمیڈا کے موجودہ ڈھانچے کا مطالعہ کرنے کے لیے ایک کمیٹی تشکیل دی تھی اورادارے کی اصلاح اور اسے ملک میں ایس ایم ایز سیکٹر کی ترقی کے لیے ایک فعال تنظیم بنانے کے لیے تبدیلیاں تجویز کی تھیں۔ وزیر اعظم کی ہدایات کے مطابق سمیڈا کے موجودہ ورکنگ سٹرکچر کو آوٹ سورسنگ کے زریعے تقویت دینے کا منصوبہ پیش کیا گیا جسے بورڈ نے منظور کر لیا۔