Live Updates

~ بشری بی بی کی ضمانت کی درخواست کی سماعت آج پیر 5 مئی کو ہو گی

اتوار 4 مئی 2025 18:05

اسلام آباد (اُردو پوائنٹ اخبارتازہ ترین - آن لائن۔ 04 مئی2025ء) انسداد دہشت گردی عدالت اسلام آباد میں بانی پی ٹی آئی کی اہلیہ بشری بی بی کی ضمانت کی درخواست کی سماعت آج پیر 5 مئی کو کرے گی عدالت پہلے ہی ضمانت میں توسیع کر چکی ہے۔ بشریٰ بی بی کے خلاف اسلام آباد کے مختلف تھانوں میں دہشت گردی کی دفعات کے تحت مقدمات درج ہیں۔اسلام آباد کی انسداد دہشت گردی عدالت میں بشریٰ بی بی کے خلاف 26 نومبر کے احتجاج کے حوالے سے درج مقدمات کی سماعت ہوئی۔

(جاری ہے)

جج ابوالحسنات محمد ذوالقرنین نے ضمانت کی درخواستوں پر سماعت کی۔بشریٰ بی بی نے کیس میں شامل تفتیش ہونے کے لیے بھی درخواست دائر کی۔ انسدادِ دہشت گردی عدالت نے بشریٰ بی بی کی عبوری ضمانت میں 5 مئی تک توسیع کر دی۔انسدادِ دہشت گردی عدالت میں بشریٰ بی بی کے وکلا عدالت میں پیش ہوئے۔ بشریٰ بی بی کی جانب سے حاضری سے استثنیٰ کی درخواست بھی کی گئی۔یاد رہے کہ بانی پی ٹی آئی عمران خان کی اہلیہ بشریٰ بی بی کے خلاف اسلام آباد کے تھانہ آبپارہ، سیکرٹریٹ، ترنول، رمنا، مارگلہ اور کراچی کمپنی میں مقدمات درج ہیں۔