Live Updates

پہلگام فالس فلیگ آپریشن، عوام اور ماہرین نے مودی سرکار کو آڑے ہاتھوں لے لیا

شواہد یہ ظاہر کرتے ہیں کہ پہلگام کا واقعہ بھارتی ایجنسیز کی مکمل ناکامی ہے،دفاعی ماہرین

پیر 5 مئی 2025 15:51

نئی دہلی (اُردو پوائنٹ اخبارتازہ ترین - این این آئی۔ 05 مئی2025ء)نئی دہلی پہلگام فالس فلیگ آپریشن پر بھارت میں مودی حکومت اور سیکیورٹی اداروں کو شدید عوامی تنقید کا سامنا ہے۔شہریوں اور ماہرین نے انٹیلیجنس کی ناکامی کو واقعے کا اصل سبب قرار دیا ہے، جب کہ کئی سوالات بھارتی حکومت کے لیے مشکل صورتحال پیدا کر رہے ہیں۔بھارتی ٹی وی کے مطابق بھارتی خواتین شہریوں نے میڈیا سے گفتگو میں کہا کہ بھاری سیکیورٹی کے باوجود حملہ آور موقع واردات تک کیسے پہنچی ۔

(جاری ہے)

ان کا کہنا تھا کہ لوگوں کو قتل کرنے کے بعد دہشت گردوں کا فرار ہونا نظام کی سنگینی کو ظاہر کرتا ہے۔ان کا مزید کہنا تھا کہ پہلے سے سکیورٹی خدشات موجود تھے تو بروقت اقدامات کیوں نہیں کیے گئی دفاعی ماہرین کا کہنا تھا کہ شواہد یہ ظاہر کرتے ہیں کہ پہلگام کا واقعہ بھارتی ایجنسیز کی مکمل ناکامی ہے۔ ان کے مطابق حکومت کو پاکستان پر الزامات لگانے کے بجائے اپنی عوام کے سخت سوالات کا جواب دینا چاہیے۔ماہرین نے کہا کہ بھارت کے اندر سے اٹھنے والی آوازیں واضح اشارہ دے رہی ہیں کہ یہ فالس فلیگ آپریشن مودی سرکار کی نااہلی اور ناکامی کا ثبوت ہے۔