Live Updates

انڈین پریمیئر لیگ ، ممبئی انڈینز اور گجرات ٹائٹنز کی ٹیموں کے درمیان 56واں میچ (کل ) کھیلا جائے گا

پیر 5 مئی 2025 16:05

ممبئی (اُردو پوائنٹ اخبارتازہ ترین - اے پی پی۔ 05 مئی2025ء) بورڈ آف کنٹرول برائے کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں،لیگ میں کل (منگل کو)مزید ایک میچ کھیلا جائے گا ۔لیگ کا 56واں میچ ممبئی انڈینز اور گجرات ٹائٹنز کی ٹیموں کے درمیان وانکھیڑے سٹیڈیم، ممبئی میں کھیلا جائے گا ۔

ممبئی انڈینز کی ٹیم کو مایہ ناز بائولنگ آل رائونڈر ہاردک پانڈیا لیڈ کریں گے جبکہ گجرات ٹائٹنز کو مایہ ناز بلے باز شبمن گل لیڈ کریں گے ۔ممبئی انڈینز اور گجرات ٹائٹنز کی ٹیموں کے 14،14 مساوی پوائنٹس ہیں اور وہ ٹیبل پر بالترتیب تیسرے اور چوتھے نمبر پر موجود ہیں۔

(جاری ہے)

لیگ کے 18ویں ایڈیشن میں شامل 10 ٹیموں کے درمیان فائنل سمیت مجموعی طور پر74میچ کھیلے جائیں گے ۔

لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے ۔ لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھنؤ سپر جائنٹس شامل ہیں۔واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔\932