سپریم کورٹ، 26نومبر احتجاج، عدالت نے پی ٹی آئی رہنمائوں کو گرفتار کرنے سے روک دیا

عدالت تفتیشی کو حکم دے پک اینڈ چوز نہ کرے سب کے حوالے سے چیک کیا جائے کیا وہ موقع پر موجود تھے، وکیل علی بخاری

پیر 5 مئی 2025 21:05

اسلام آباد (اُردو پوائنٹ اخبارتازہ ترین - این این آئی۔ 05 مئی2025ء)انسداد دہشت گردی عدالت اسلام آباد نے 26نومبر احتجاج پر درج مقدمات میں پی ٹی آئی رہنماوں کو 24 جون تک گرفتار کرنے سے روک دیا۔پیر کو انسداد دہشت گردی عدالت نمبر 1کے ڈیوٹی جج طاہر عباس نے پی ٹی آئی رہنمائوں کی مجموعی طور پر 161 ضمانت قبل از گرفتاری درخواستوں پر سماعت کی۔

(جاری ہے)

چیئرمین پی ٹی آئی بیرسٹر گوہر خان، اپوزیشن لیڈر عمر ایوب، سینیٹر فلک ناز چترالی، ایم این اے ساجد خان، ایم این اے آصف خان، ایم این اے فضل محمد خان، ایم این اے شیر علی ارباب، ایم این اے عبدالطیف، ایم این اے لطیف کھوسہ، سینیٹر شبلی فراز، ایم این اے عمیر نیازی، سابق وزیراعظم آزاد کشمیر عبدالقیوم نیازی، روف حسن، نیاز اللہ نیازی، نادیہ خٹک، شعیب شاہین علی بخاری، راجہ بشارت، و دیگر عدالت میں پیش ہوئے۔

جج طاہر عباس سپرا نے کہا کہ ان تمام مقدمات کے چالان میرے پاس آ چکے ہیں مگر ضمانتیں نہیں آئی۔ وکیل علی بخاری نے کہا کہ انہی مقدمات میں اکثر ملزمان کی ضمانتیں 24 جون کو لگی ہیں۔بعد ازاں عدالت نے ضمانت قبل از گرفتاری کی درخواستوں پر سماعت 24جون تک ملتوی کر دی۔