سٹی میئر ایبٹ آباد سردار شجاع نبی کا گورنمنٹ ہائی سکول نملی میرا کا دورہ، پرنسپل اور اساتذہ اور بچوں کے والدین سے ملاقات کی

منگل 6 مئی 2025 11:00

ایبٹ آباد (اُردو پوائنٹ اخبارتازہ ترین - اے پی پی۔ 06 مئی2025ء) سٹی میئر ایبٹ آباد سردار شجاع نبی نے گورنمنٹ ہائی سکول نملی میرا کے دورہ کے دوران پرنسپل، اساتذہ اور سکول آنے والے بچوں کے والدین سے ملاقات کی۔ بچوں کی تعلیم و تربیت اور سکول میں درپیش مسائل سے میئر ایبٹ آباد سردار شجاع نبی کو آگاہ کیا گیا۔

(جاری ہے)

سٹی میئر سردار شجاع نبی کی جانب سے سکول کے اساتذہ کی خدمات کو خراج تحسین پیش کیا اور بچوں کے والدین سے اپیل کی کہ وہ اپنے بچوں کے مستقبل کی خاطر بچوں کو باقاعدگی کے ساتھ سکول بھیجیں اور خود بھی گائے بگائے سکول میں اساتذہ کرام سے ملاقات کیا کریں۔

میئر ایبٹ آباد سردار شجاع نبی نے سکول میں طلبہ کیلئے موجود سہولیات، صاف پانی کی فراہمی اور صفائی و ستھرائی کے انتظام کے ساتھ ساتھ سکول انتظامیہ کو طلبہ کی بہترین کردار سازی اور مستقبل میں آگے بڑھنے کیلئے ساز گار ماحول کی فراہمی پر زور دیا۔