Live Updates

بھارت دھوکہ دہی اور وعدہ خلافی کی ایک گھنائونی تاریخ رکھتا ہے،محترمہ خولہ خان

مقبوضہ جموں وکشمیر پر ناجائز بھارتی تسلط کی وجہ سے یہ پورا خطہ مسلسل ایک غیر یقینی صورتحال سے دوچار ہے

منگل 6 مئی 2025 14:53

اسلام آباد (اُردو پوائنٹ اخبارتازہ ترین - این این آئی۔ 06 مئی2025ء)چیئرپرسن خان آف منگ فاؤنڈیشن محترمہ خولہ خان نے کہا ہے کہ پہلگام واقعہ بھی پلوامہ حملے کی طرح ایک اور بھارتی ڈرامہ ہے جسکا واحد مقصد کشمیریوں کی پرامن جدوجہد آزادی کو بدنام کرنا ہے پہلگام واقعے کے بعد نہتے کشمیریوں پر بڑھتی ہوئی بھارتی ریاستی دہشت گردی کی شدید مذمت کرتے ہوئے کہا کہ بے لگام بھارتی فورسز نے کشمیریوں کی زندگی اجیرن بنا رکھی ہے ان خیالات کا اظہار انھوں نے گذشتہ روز میڈیا سے گفتگو کرتے ہوئے کیا ان کا کہنا تھا کہ بھارت دھوکہ دہی اور وعدہ خلافی کی ایک گھنائونی تاریخ رکھتا ہے مقبوضہ جموں وکشمیر پر ناجائز بھارتی تسلط کی وجہ سے یہ پورا خطہ مسلسل ایک غیر یقینی صورتحال سے دوچار ہے انھوں نے کہا کہ بھارت نے اقوام متحدہ اور پوری عالمی برادی کے سامنے کشمیریوں کو انکا پیدائشی حق،حق خودارادیت دینے کا وعدہ کیا تھا لیکن وہ یہ وعدہ پورا کرنے کے بجائے کشمیریوں کو آزادی کے مطالبے کی پاداش میں گزشتہ 77برس سے تختہ مشق بنا رہا ہے۔

(جاری ہے)

انھوں نے کہا کہ قابض فورسز نے گزشتہ ڈیڑھ ہفتے کے دوران 25سو زائد کشمیریوںکو گرفتار کیا جن میں سے سو کے لگ بھگ پر کالا قانون’’پبلک سیفٹی ایکٹ‘‘لاگو کیا گیا ہے۔انھوں نے مزید کہا کہ بھارت کو چاہیے کہ وہ تنازعہ کشمیر کو فوجی طاقت کے ذریعے حل کرنے کی اپنی مذموم سوچ ترک اورکشمیریوں سے کیے گئے وعدے پورے کرے، اسی میں نہ صرف اسکی بلکہ اس پورے خطے کی بھلائی ہے۔