بہادر شاہ ظفر کی وارثہ کو لال قلعہ نہیں ملے گا،بھارتی سپریم کورٹ

لال قلعہ دیاتوآپ آگرہ اور فتح پور سیکری کے قلعے بھی مانگیں گی،چیف جسٹس کادرخواست گزارسے مکالمہ

منگل 6 مئی 2025 17:12

بہادر شاہ ظفر کی وارثہ کو لال قلعہ نہیں ملے گا،بھارتی سپریم کورٹ

نئی دہلی(اُردو پوائنٹ اخبارتازہ ترین - این این آئی۔ 06 مئی2025ء) مغل بادشاہ بہادر شاہ ظفر کے پڑپوتے کی بیوہ سلطانہ بیگم نے دہلی کے تاریخی لال قلعہ پر دعوی کرتے ہوئے بھارتی سپریم کورٹ سے اس کا قبضہ دینے کی درخواست کی، تاہم عدالت نے یہ مطالبہ مسترد کر دیا۔

(جاری ہے)

بھارتی ٹی وی کے مطابق بھارتی چیف جسٹس سنجیو کھنا نے درخواست مسترد کرتے ہوئے ریمارکس دیے کہ اگر لال قلعہ دے دیا جائے تو پھر آپ آگرہ اور فتح پور سیکری کے قلعے بھی مانگیں گی۔

عدالت نے سابقہ عدالتی فیصلوں کا حوالہ دیتے ہوئے کہا کہ اس معاملے میں درخواست دینے میں 150 سال کی تاخیر ہوئی ہے، جو ناقابل قبول ہے۔اس سے قبل سلطانہ بیگم نے 2021 اور 2024 میں دہلی ہائیکورٹ سے بھی رجوع کیا تھا، تاہم وہاں سے بھی ان کی درخواستیں مسترد ہو چکی تھیں۔