پیوٹن کا مئی میں سعودی عرب کا کوئی دورہ طے نہیں، کریملن

کریملن کے سربراہ کا وہاں کوئی دورہ طے نہیں لیکن ایسی ملاقات بارے باتیں ہورہی ہیں،بیان

منگل 6 مئی 2025 14:38

پیوٹن کا مئی میں سعودی عرب کا کوئی دورہ طے نہیں، کریملن

ماسکو(اُردو پوائنٹ اخبارتازہ ترین - این این آئی۔ 06 مئی2025ء)روس نے کہا ہے کہ امریکی و روسی صدور کے درمیان ملاقات ضروری ہے لیکن صدر ولادیمیر پیوٹن کا مئی میں سعودی عرب کا کوئی دورہ طے نہیں۔عرب ٹی وی کے مطابق یہ بات روسی صدارتی دفتر (کریملن)کے ترجمان دمتری پیسکوف نے ایک بیان میں کہی۔

(جاری ہے)

انہوں نے کہا کہ امریکی صدر ڈونلڈ ٹرمپ اور روسی ہم منصب ولادیمیر پیوٹن کے درمیان سعودی عرب میں ہونے والی ممکنہ ملاقات ضروری ہے لیکن روسی صدر کا شرقِ اوسط کا کوئی دورہ مئی کے وسط میں طے نہیں ۔

العربیہ اردو کے مطابق ٹرمپ رواں ماہ سعودی عرب کے دورے کے دوران روسی صدر سے ملاقات پر غور کر سکتے ہیں، اس بارے تبصرہ کرتے ہوئے دمتری پیسکوف نے کہا کہ کریملن کے سربراہ کا وہاں کوئی دورہ طے نہیں لیکن ایسی ملاقات بارے باتیں ہورہی ہیں ۔