Live Updates

بھارتی حملہ ہماری خودمختاری کی کھلم کھلا خلاف ورزی ہے ، مولانا فضل الرحمن

پاکستانی قوم متحد ہے ، ہندوستان کے خلاف افواج پاکستان کے ساتھ شانہ بشانہ کھڑی ہے، بیان

بدھ 7 مئی 2025 08:20

اسلام آباد (اُردو پوائنٹ اخبارتازہ ترین - این این آئی۔ 07 مئی2025ء)جمعیت علمائے اسلام کے سربراہ مولانا فضل الرحمان نے بھارتی حملہ پر رد عمل کا اظہار کرتے ہوئے کہا ہے کہ بھارتی حملہ ہماری خودمختاری کی کھلم کھلا خلاف ورزی ہے ،پاکستانی قوم متحد ہے ، ہندوستان کے خلاف افواج پاکستان کے ساتھ شانہ بشانہ کھڑی ہے۔

(جاری ہے)

اپنے بیان میں مولانا فضل الرحمان نے کہاکہ پاکستان پر بھارت کے بزدلانہ حملوں کی شدید مذمت کرتے ہیں۔

سربراہ جے یو آئی نے کہاکہ بھارتی حملہ ہماری خودمختاری کی کھلم کھلا خلاف ورزی ہے ۔ انہوںنے کہاکہ بھارت کی طرف سے بلا اشتعال جارحیت کی گئی ہے ۔ انہوںنے کہاکہ پاکستانی قوم متحد ہے،ہندوستان کے خلاف افواج پاکستان کے ساتھ شانہ بشانہ کھڑی ہے، حملہ میں عام شہری معصوم خواتین اور بچوں کو نشانہ بنایا گیا ۔