یونین کمیٹی نمبر 8، گاڑی کھاتا صدر ٹاؤن میں کھلی کچہری کا انعقاد کیا گیا

کراچی (اُردو پوائنٹ اخبارتازہ ترین - این این آئی۔ 08 مئی2025ء)یونین کمیٹی نمبر 8، گاڑی کھاتا صدر ٹاؤن میں ایک اہم "کھلی کچہری" کا انعقاد کیا گیا، جسے محتسب سندھ کے ایڈوائزر و ریجنل ڈائریکٹر ساؤتھ، سید مقصود حیدر اور چیئرمین یو سی 8، محمد سلمان خان کی مشترکہ کوششوں سے ممکن بنایا گیا۔ یہ کھلی کچہری میمن جماعت خانہ میں منعقد ہوئی۔اس اقدام کا بنیادی مقصد سندھ حکومت کے ماتحت اداروں میں پائی جانے والی بدانتظامی، کرپشن اور دیگر عوامی مسائل کو براہ راست سننا اور موقع پر ہی کارروائی کرنا تھا۔

کھلی کچہری میں تمام متعلقہ بلدیاتی اداروں(ڈسٹرکٹ ساؤتھ) کے افسران نے شرکت کی۔ سید مقصود حیدر نے عوام کی زبانی اور تحریری شکایات بغور سنیں اور متعلقہ محکموں کو ہدایت دی کہ وہ سات روز کے اندر رپورٹ پیش کریں۔

(جاری ہے)

بعد اذاں، محمد سلمان خان، چیئرمین یو سی 8، نے اپنے علاقے کے مسائل کی نشاندہی کی اور عوام کی جانب سے موصول شدہ شکایات محتسب سندھ کے نمائندے کے سامنے پیش کیں۔

عوام نے کھلی کچہری کے انعقاد کو ایک مثبت اور بروقت اقدام قرار دیا اور محمد سلمان خان کے کردار کو سراہا۔اس موقع پر صدر ڈویژن کے پولیس افسران ایکٹنگ ایس پی صدر ملک صفدر ، ایس ڈی پی او صدر لیاقت حیات خان ، ایس ایچ او صدر انسپکٹر عمران زیدی، ایس ایچ او اٹلری میدان انسپکٹر چوہدری زاہد حسین،ایس ایچ او ارام باغ انسپکٹر شاہ فیصل خان ، ایس ایچ او پریڈی انسپکٹر شبیر حسین ، انٹیلیجنس پی ایس آرام باغ ، مونسپل کمشنر صدر ٹاؤن نور حسن جوکھیو ، ای سی سیوریج انور میمن، ایکس سی این واٹر بورڈ کامل عثمانی ، ایکس سی این سیوریج بورڈ ندیم خان ، مونسپل کمشنر صدر ٹان نور حسن جوکیو ، رفیق شیخ صدر ٹان ، یوسف اے وائی ایس ائی ایس اور دیگر کی بھی کھلی کچہری میں شرکت ، کھلی کچہری کے اختتام پر اکرم یوسف صدر کچھی میمن جماعت گاڑی کھاتا نے اچھی کارکردگی پر فیصل خان ایس ایچ او پی ایس آرام باغ ، حسنین لیاقت انٹیلیجنس افسر پی ایس آرام باغ ، محمد عقیل نائب محرر پی ایس آرام باغ کو بیسٹ پرفارمنس ایوارڈ سے نوازا ۔

چیئرمین یونین کمیٹی نمبر 08 محمد سلمان خان کی جانب سے صدر اکرم یوسف کچھی میمن جماعت گاڑی کھاتا ، فرید خان ، اسد خان اور تمام لوگ جن کی وجہ سے کھلی کچہری منعقد کی گئی ان کا شکریہ ادا کرتے ہیں ۔