وفاقی وزیر خالد خان مگسی کی زیر صدارت اجلاس میں بلوچستان عوامی پارٹی کا بھارت کو منہ توڑ جواب دینےپر افواج پاکستان کو خراج تحسین

جمعرات 8 مئی 2025 22:59

کوئٹہ (اُردو پوائنٹ اخبارتازہ ترین - اے پی پی۔ 08 مئی2025ء) بلوچستان عوامی پارٹی کے مرکزی صدر وفاقی وزیر میر خالد خان مگسی کی صدارت میں بلوچستان عوامی پارٹی کا اہم اجلاس منعقد ہوا۔

(جاری ہے)

ترجمان بلوچستان عوامی پارٹی کے جاری کردہ بیان کے مطابق اجلاس میں سابق چیئرمین سینیٹ صادق سنجرانی،سیکرٹری جنرل سینیٹر منظور کاکڑ،سینیٹرمحمد عبدالقادر،نائب صدرنصیب اللہ بازئی سابق وزیراعلی جان محمد جمالی،بانی رکن سعید احمد ہاشمی،سینیٹر دنیش کمار اور رکن صوبائی اسمبلی پرنس آغا عمر شریک ہوئے اجلاس میں بھارتی جارحیت کی شدید الفاظ میں مذمت کی گئی اور بھارت کو منہ توڑ جواب دینے پر افواج پاکستان کو خراج تحسین پیش کیاگیا ۔

اجلاس میں پارٹی کی مختلف اہم کمیٹیوں کی تشکیل اور عوامی رابطہ مہم تیز کرنے پر بھی اتفاق کیا گیا ۔اجلاس سے خطاب کرتے ہوئے میر خالد خان مگسی نے کہا کہ بی اے پی بلوچستان کی سب سے بڑی جماعت ہے، بی اے پی کا نصب العین صرف عوامی خدمت اور صوبے کی ترقی ہےپارٹی آئین و منشور کے مطابق اہم مسائل کے حل کے لیے کوشاں ہیں۔ انہوں نے کہا کہ عوامی خدمات کے بغیر سیاست بے معنی ہے ، بی اے پی کے کارکنان رابطہ مہم مزید تیز کریں ۔