Live Updates

دشمن کے کسی بھی مس ایڈونچر کا مقابلہ کرنے کیلئے تیار ہیں، ترجمان پاک بحریہ

بھارت کی نیوی نے اگر پاکستان کی جانب میلی نگاہ سے بڑھے گی تو اسے بحیرہ عرب میں غرق کردیا جائے گا، بیان

ہفتہ 10 مئی 2025 08:30

اسلام آباد (اُردو پوائنٹ اخبارتازہ ترین - این این آئی۔ 10 مئی2025ء)پاک فضائیہ کے بعد پاک بحریہ بھی بھارت کو منہ توڑ جواب دینے کے لیے تیار ہے، پاکستان نیوی نے واضح پیغام دیا ہے کہ وہ دشمن کے کسی بھی مس ایڈونچر کا مقابلہ کرنے کیلئے تیار ہے۔ترجمان پاکستان بحریہ کی جانب سے جاری بیان میں کہا گیا کہ بھارت کی نیوی نے اگر پاکستان کی جانب میلی نگاہ سے بڑھے گی تو اسے بحیرہ عرب میں غرق کردیا جائے گا۔

پاکستان نیوی کے سکیورٹی ذرائع نے برطانوی اخبار میں شائع ہونے والی خبر کو مسترد کر دیا ہے، انہوںنے کہاکہ اس خبر میں کوئی صداقت نہیں اور یہ بے بنیاد اور من گھڑت ہے، تمام شہر اور شپنگ لین محفوظ ہیں۔ذرائع نے بتایا کہ بھارتی ایئرکرافٹ کیریئر کی کراچی کی طرف پیش قدمی کی گمراہ کن خبر ٹیلی گراف میں چلوائی گئی، بھارتی ایئرکرافٹ کیریئر 6 اور 7 مئی کی رات کو بھی وہی تھا جہاں آج ہے۔

(جاری ہے)

ترجمان پاک بحریہ نے بتایا کہ جس طرح پاک فضائیہ نے دشمن کو چاروں شانے چت کیا ہے اور وہ اپنے طیاروں کا ملبہ اپنے میڈیا کو دکھانے سے گریز کررہا ہے، اسی طرح پاک بحریہ بھی اپنی صلاحیتیں دکھانے کیلئے پوری طرح تیار ہے۔انہوںنے کہاکہ بھارتی نیوی میلی نگاہ سے بڑھی تو بحیرہ عرب میں غرق کردیں گے، ملکی سمندری حدود کے محافظ ہر دم تیار ہیں۔