Live Updates

بھارت،مسلم خاتون صحافی کو جنگ مخالف پوسٹ پر دھمکیوں کا سامنا

اتوار 11 مئی 2025 21:20

نئی دہلی (اُردو پوائنٹ اخبارتازہ ترین - اے پی پی۔ 11 مئی2025ء) بھارت میں ایک خاتون مسلم ایوارڈ یافتہ صحافی اور دی وائر کی سینئر ایڈیٹر ارفع خانم شیروانی نےکہا ہے کہ سوشل میڈیا پر جنگ مخالف پوسٹ پر انہیں دھمکیوں اور بیہودہ پیغامات کاسامنا ہے۔کشمیر میڈیا سروس کے مطابق ارفع نے ایکس پر ایک پوسٹ میں لکھا” مجھے مسلسل دھمکی آمیز پیغامات اور کالز موصول ہو رہی ہیں، مجھے سخت ہراساں کیاجا رہا ہے۔

(جاری ہے)

انہوں نے دھمکی آمیز سکرین شاٹس بھی شیئر کیے جس میں انتہائی فحش زبان استعمال کی گئی ہے۔ایک ہندو جنوبی نے لکھا ہے ”آپ مسلمان ہیں، اسی لیے آپ کوپاکستان سے اتنی ہمدردی ہے لیکن اب کھیل ختم ہو چکا ہے۔“ ارفع نے بڑھتی ہوئی فوجی کشیدگی کے تناظر میں امن کی تلقین پر مبنی ایک مختصر پوسٹ کی تھی۔ انہوں نے لکھا تھا امن حب الوطنی ہے۔ جنگ تباہی ہے۔ سرحدیں خون نہیں بہاتیں جنگ بند کرو، اب کشیدگی کو فوری طور پر کم کرو۔