Live Updates

بھارت میں کراچی بیکری پر بی جے پی کے شدت پسندوں کا حملہ

پاک بھارت جنگ اور کشیدگی کے تناظر میں بیکری کا نام تبدیل کرنے کا مطالبہ

پیر 12 مئی 2025 12:37

حیدرآباد(اُردو پوائنٹ اخبارتازہ ترین - این این آئی۔ 12 مئی2025ء)بھارتی شدت پسند اب پاکستان کے شہروں کے نام سے بھی خوفزدہ ہونے لگے، بھارتی شہر حیدرآباد میں کراچی بیکری پر بھارتیہ جنتا پارٹی (بی جے پی)کے انتہا پسندوں نے حملہ کردیا۔بھارتی ٹی وی کے مطابق ہندوتوا کے پیروکاروں نے پاک بھارت جنگ اور کشیدگی کے تناظر میں بیکری کا نام تبدیل کرنے کا مطالبہ کردیا۔

نفرت کی آگ میں جلتے چند شدت پسندوں نے بیکری کے باہر جمع ہو کر کراچی کے نام والے بورڈ کو ڈنڈوں سے توڑ ڈالا۔

(جاری ہے)

پہلگام حملے کے بعد کراچی بیکری کو نشانہ بنانے کا یہ دوسرا واقعہ ہے۔ اس سے پہلے آندھرا پردیش میں کراچی بیکری کی ایک شاخ کے باہر بھی احتجاج کیا گیا تھا۔بیکری مالکان کا کہنا تھا کہ ان کا پاکستان سے کوئی تعلق نہیں، یہ نام تقسیمِ ہند کے وقت ان کے خاندان کی ہجرت سے جڑی تاریخی پہچان کی علامت ہے۔واضح رہے کہ کراچی بیکری کا قیام 1953 میں ہوا تھا، یہ ایک سندھی ہندو مہاجر خان چند رمنانی کی ملکیت تھی، جو قیام پاکستان کے بعد ہندوستان منتقل ہوئے تھے۔یہ بیکری کئی دہائیوں سے مشہور ہے اور اب اسے خانچند کے پوتے راجیش اور ہریش رمنانی سنبھال رہے ہیں۔