ڈسکوز سپورٹ یونٹس کی کارروائیاں جاری، 87 ملزمان کے خلاف مقدمہ درج

پیر 12 مئی 2025 13:11

لاہور (اُردو پوائنٹ اخبارتازہ ترین - اے پی پی۔ 12 مئی2025ء) لاہور الیکٹرک سپلائی کمپنی (لیسکو)کے ایگزیکٹو انجینئر محمد رمضان بٹ کی قیادت میں قائم ہونےوالے ڈسکوز سپورٹ یونٹس کے ریجن بھر میں مشترکہ آپریشن کے دوران 289 مقامات پر بجلی چوری پکڑی پکڑتے ہوئے 87 ملزمان کے خلاف مقدمہ درج کر لئے گئے۔

(جاری ہے)

ترجمان لیسکو کے مطابق گزشتہ 24 گھنٹوں کے دوران لیسکو، رینجرز اوردیگر قانون نافذ کرنیوالے اداروں کے مشترکہ آپریشن میں 289 مقامات پر بجلی چوری پکڑی گئی، 87 ملزمان کے خلاف مقدمات درج کرکے 6 کو گرفتار کرلیا گیا۔

ملزمان کوڈٹیکشن بل کی مد میں ایک لاکھ 85 ہزار 236 یونٹس چارج کیے گئے جن کی مالیت 68 لاکھ 76 ہزار 163 روپے ہے۔دریں اثنا چیف ایگزیکٹو لیسکو انجینئر محمد رمضان بٹ نے کہا کہ بجلی چور قومی مجرم ہیں جن کی سرگرمیاں قومی خزانے پر بوجھ ہیں، اس طرح کے عناصر کے ساتھ آہنی ہاتھوں سے نمٹا جائے گا۔ انہوں نے لیسکو کے افسران و ملازمین کو ہدایت کی کہ بجلی چوروں کے خلاف بلاتفریق بھرپور کارروائیاں جاری رکھی جائیں اور اس سلسلے میں کسی قسم کا دبا قبول نہ کیا جائے۔