وزیر اعلیٰ کے ویژن کے مطابق نرسنگ شعبہ کی بہتری کیلئے بنیادی اقدامات اٹھائے جا رہے ہیں‘ سلمان رفیق

صوبائی وزیر محکمہ سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق کا نرسوں کے عالمی دن کے موقع پر پیغام

پیر 12 مئی 2025 18:15

وزیر اعلیٰ کے ویژن کے مطابق نرسنگ شعبہ کی بہتری کیلئے بنیادی اقدامات ..

لاہور(اُردو پوائنٹ اخبارتازہ ترین - این این آئی۔ 12 مئی2025ء)صوبائی وزیر محکمہ سپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق نے نرسوں کے عالمی دن کے موقع پر اپنے پیغام میں کہا کہ آج کا دن نرسوں کی خدمات کو خراج تحسین پیش کرنے کا دن ہے۔

(جاری ہے)

صوبائی وزیر صحت نے کہاکہ وزیر اعلیٰ پنجاب مریم نواز شریف کے ویژن کے مطابق نرسنگ شعبہ کی بہتری کیلئے بنیادی اقدامات اٹھائے جا رہے ہیں۔ حال ہی میں محکمہ سپیشلائزڈ ہیلتھ کیئر اینڈ میڈیکل ایجوکیشن نے تین ہزار نرسوں کی بھرتی کا عمل مکمل کیا ہے۔ خواجہ سلمان رفیق نے کہاکہ نرسوں کو جدید تقاضوں کے مطابق ریفریشل کورسز کروائے جا رہے ہیں۔ سرکاری ہسپتالوں میں نرسیں بہترین فرائض سر انجام دے رہی ہیں۔