ایس ایس پی ٹریفک ایبٹ آباد سے آل ٹریڈ فیڈریشن کے اپوزیشن ممبران کی ملاقات، مختلف مسائل پر تبادلہ خیال

منگل 13 مئی 2025 10:50

ایبٹ آباد (اُردو پوائنٹ اخبارتازہ ترین - اے پی پی۔ 13 مئی2025ء) ایس ایس پی ٹریفک ایبٹ آباد قمر حیات خان سے آل ٹریڈ فیڈریشن کے اپوزیشن ممبران نے سردار شاہ نواز اور سجاد خان کی سربراہی میں ملاقات کی۔ ٹریفک پولیس ایبٹ آباد کے مطابق ملاقات میں شہر میں درپیش مختلف مسائل پر تبادلہ خیال کیا گیا۔

(جاری ہے)

اس موقع پر گامی اڈہ پر گورنمٹ کی جانب سے بنائے جانے والے اوور ہیڈ پل کے حوالے سے خصوصی تبادلہ خیال ہوا۔آل ٹریڈ فیڈریشن اپوزیشن ممبران نے ٹریفک پولیس ایبٹ آباد کی جانب سے عوام کی فلاح کی خاطر اٹھائے گئے تمام اقدامات کو سراہا گیا اور ٹریفک پولیس کے شانہ بشانہ کام کرنے پر یقین دہانی کرائی گئی۔