Live Updates

شاہد آفریدی نے ویرات کوہلی کی ریٹائرمنٹ پرکیا کہا

پیوریسٹ فارمیٹ آپ کی موجودگی اور مسابقتی جذبے سے محروم رہے گا، سابق کپتان کا خراج تحسین

منگل 13 مئی 2025 14:09

شاہد آفریدی نے ویرات کوہلی کی ریٹائرمنٹ پرکیا کہا

لاہور(اُردو پوائنٹ اخبارتازہ ترین - این این آئی۔ 13 مئی2025ء)قومی ٹیم کے سابق کپتان شاہد آفریدی نے ویرات کوہلی کو ٹیسٹ کرکٹ سے ریٹائرمنٹ پر خراج تحسین پیش کیا ہے۔فوٹو اور ویڈیو شیئرنگ ایپ انسٹاگرام پر شاہد آفریدی نے لکھا کہ ’ایک شاندار کیریئر پر ویرات کوہلی کو مبارکباد پیش کرتا ہوں، آپ کے جذبے، شدت اور پیشہ ورانہ مہارت نے ٹیسٹ کرکٹ میں نئے معیار قائم کیے ہیں۔

(جاری ہے)

انہوں نے لکھا کہ ’پیوریسٹ فارمیٹ آپ کی موجودگی اور مسابقتی جذبے سے محروم رہے گا۔2011 میں ڈیبیو کرنے والے 36 سالہ ہندوستانی بلے باز نے 46.85 کی اوسط سے 123 میچوں میں 9,230 رنز اور 30 سنچریوں کے ساتھ اپنے ریڈ بال کیریئر کا اختتام کیا۔انہوں نے کہا کہ یہ 14 سال پہلے کی بات ہے جب میں نے پہلی بار ٹیسٹ کرکٹ میں بھارت کے لیے سفید لباس پہنا، میں نے کبھی نہیں سوچا تھا کہ یہ فارمیٹ مجھے کس سفر پر لے جائے گا۔