مظفرگڑھ ،پولیس لائن مظفرگڑھ میں پولیس ملازمین اور شہریوں کےلئے فری آئی کیمپ کا انعقاد،پولیس ترجمان

منگل 13 مئی 2025 15:08

مظفرگڑھ (اُردو پوائنٹ اخبارتازہ ترین - اے پی پی۔ 13 مئی2025ء) ڈی پی او مظفرگڑھ کی خصوصی کاوش اور جنت عزیز آئی ہسپتال کے تعاون سے پولیس لائن مظفرگڑھ میں محکمہ پولیس اور شہریوں کےلئے فری آئی کیمپ کا انعقاد کیا گیا ۔پولیس ترجمان کے مطابق ڈسٹرکٹ پولیس آفیسر مظفرگڑھ ڈاکٹر رضوان احمد خان کی خصوصی کاوش پر اور جنت عزیز آئی ہسپتال کے تعاون سے ڈسٹرکٹ پولیس لائن مظفرگڑھ میں فری آئی کیمپ کا انعقاد کیا گیا جس میں آنکھوں کے مرض میں مبتلا مرد و خواتین کا مفت چیک اپ جاتا ہے اور مفت ادویات فراہم کی جاتی ہیں۔

ڈسٹرکٹ پولیس لائن مظفرگڑھ آئی کیمپ میں ٹوٹل 172 مریضوں کا چیک اپ کیا گیا جس میں54 مریض پولیس افسران کی فیملی کے اور 118 مریض پبلک شہریوں کے افراد کے چیک اپ کئے گئے جس میں 39 پولیس افسران کی فیملیز کے اور شہریوں کے افراد آپریشن تجویز کئے گئے۔

(جاری ہے)

جن کا آپریشن تجویز کیا جاتا ہے ان کو بذریعہ گاڑی مفت میں جنت عزیز آئی ہسپتال کبیر والا لے جا کر آنکھوں کا آپریشن کئے گئے اور واپسی مریض کو اس کے گھر چھوڑا جاتا ہے۔ پولیس افسران اور شہریوں نے ڈی پی او مظفرگڑھ کی اس خصوصی کاوش کا سراہتے ہوئے شکریہ ادا کیا۔ ڈی پی او مظفرگڑھ ڈاکٹر رضوان احمد خان کا مزید کہنا تھا کہ پولیس افسران و ملازمان اور شہریوں کی فلاح و بہبود کیلئے مظفرگڑھ پولیس کوشاں ہے۔ \378