Live Updates

سندورگیا تیرا بھاڑمیں ابرارالحق نے معرکہ حق کی کامیابی پر ترانہ جاری کردیا

منگل 13 مئی 2025 21:26

اسلام آباد (اُردو پوائنٹ اخبارتازہ ترین - این این آئی۔ 13 مئی2025ء)نامور گلوکار و موسیقار ابرار الحق نے بھارت کے معرکہ حق کی کامیابی پر حب الوطنی کے جذبات سے بھرا نیا ترانہ جاری کردیا۔تفصیلات کے مطابق حال ہی میں پاک فوج کی جانب سے بھارت کے خلاف کامیاب کارروائیوں پر انہوں نے نیا ترانہ جاری کرکے دل جیت لیے۔ہم سچے پاکستانی کے عنوان سے جاری کیے گئے ترانے میں ابرار الحق بھارتی جارحیت اور آپریشن سندور کو بھی نشانہ بناتے سنائی دیتے ہیں۔

ترانے کے بول شیروں کی ایک ہی دھاڑ میں، سندور گیا تیرا بھاڑ میں کو کافی پسند کیا جا رہا ہے اور شائقین گلوکار کے ترانے کی تعریفیں کرتے دکھائی دیے۔گلوکار نے اپنے یوٹیوب چینل پر ترانے کی آڈیو جاری کی ہے، تاہم فوری طور پر گانے کی ویڈیو جاری نہیں کی گئی۔

(جاری ہے)

ابرار الحق کی جانب سے 12 مئی کو ترانے کو یوٹیوب پر جاری کیا گیا اور چند ہی گھنٹوں مین اسے ہزاروں بار دیکھا گیا۔

گلوکار نے یہ واضح نہیں کیا کہ ان کی جانب سے گائے گئے ترانے کے بول کس نے لکھے اور اس کی موسیقی کس نے ترتیب دی، تاہم ممکنہ طور پر انہوں نے خود اس کی شاعری اور موسیقی ترتیب دی ہوگی۔ابرار الحق کے ترانے کو سوشل میڈیا پر خوب شیئر کیا جا رہا ہے جبکہ سیاست دان اور سماجی رہنما بھی ان کے ترانے کی تعریفیں کرتے دکھائی دیے۔انہوں نے ترانے میں پاکستان کی تینوں مسلح افواج کو بھی خراج تحسین پیش کیا ہے