ضلعی عدالتوں نے منشیات کے مقدمات میں نامزد دو مجرمان کو 19 سال قید اور جرمانہ کی سز اسنا دی

منگل 13 مئی 2025 19:50

راولپنڈی (اُردو پوائنٹ اخبارتازہ ترین - اے پی پی۔ 13 مئی2025ء) راولپنڈی کی مقامی عدالتوں میں منشیات کے مقدمات میں نامزد دو مجرمان کو 19 سال اور جرمانہ کی سزائیں سنا دی گئیں۔

(جاری ہے)

منگل کو ضلعی عدالت نے ملزم اشفاق کو 10 سال قید اور1 لاکھ 25 ہزار روپے جرمانے کی سزا سنائی ، ملزم سے 1350 گرام ہیروئن برآمد ہونے پر صادق آباد پولیس نے ستمبر 2024 میں گرفتار کیا تھا۔ ملزم رضوان عباس کو 9 سال قید اور 80 ہزار روپے جرمانے کی سزا سنائی گئی،ملزم سے 1600 گرام چرس برآمد ہونے پر جاتلی پولیس نے اکتوبر 2023 میں گرفتار کیا تھا۔