آئی جی پنجاب سے پولیس ملازمین اور انکے اہلخانہ کی ملاقات، فوری ریلیف کیلئے احکامات جاری

منگل 13 مئی 2025 19:50

لاہور (اُردو پوائنٹ اخبارتازہ ترین - اے پی پی۔ 13 مئی2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور انکے اہلخانہ نے سنٹرل پولیس آفس میں ملاقات کی۔ آئی جی پنجاب نے پولیس ملازمین کے مسائل سنے اور فوری ریلیف کیلئے احکامات جاری کیے۔ تفصیلات کے مطابق شہید کانسٹیبل امتیاز حسین کی والدہ کی پلاٹ اور طبی مالی امداد کی درخواست پر ڈی آئی جی ویلفیئر اینڈ فنانس کو ریلیف کی ہدایت کی۔

(جاری ہے)

مرحوم سب انسپکٹر عبدالقیوم اورکانسٹیبل محمد رفیق کے بیٹے کے علاج کیلئے مالی امداد کی درخواستوں پر ڈی آئی جی ویلفیئر اینڈ فنانس کو ریلیف فراہم کرنے کی ہدایت کی۔لیڈی کانسٹیبل جویریہ نصیر کی درخواست پر ڈی پی او شیخوپورہ کو ریلیف کی ہدایت کی۔وائرلیس آپریٹر کانسٹیبل تنویر الحسنین کی طبی مالی امداد کی درخواست پر ڈی آئی جی ویلفیئر اینڈ فنانس کو ریلیف کی ہدایت کی۔ آئی جی نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کئے۔