Live Updates

مودی کا شکریہ کہ اس نے ایک ایڈوینچر سے پوری پاکستانی قوم کو یکجا کردیا: مصطفیٰ کمال

انڈیا کی اوقات نہیں ہے کہ وہ پانی بند کرے، مودی نے امریکی صدر سے جنگ بندی کے لیے مدد مانگی، میڈیا سے گفتگو

جمعرات 15 مئی 2025 22:37

مودی کا شکریہ کہ اس نے ایک ایڈوینچر سے پوری پاکستانی قوم کو یکجا کردیا: ..

ٓکراچی (اُردو پوائنٹ اخبارتازہ ترین - آن لائن۔ 15 مئی2025ء) وفاقی وزیر صحت مصطفیٰ کمال نے کہا ہے کہ بھارتی وزیر اعظم نریندر مودی کا شکریہ ادا کروں گا کیونکہ ان کے ایک ایڈونچر نے پاکستان نے سب کچھ بدل دیا۔میڈیا سے گفتگو کرتے ہوئے انہوں نے کہا پاکستان کو اللہ نے عظیم الشان فتح دی ہے، پاکستان ہمیشہ امن چاہتا ہے لیکن بھارت نے اسرائیل کے اکسانے پر اتنا سب کچھ کیا۔

انہوں نے کہا پاکستان نے پہلگام حملے کی تحقیقات کا مطالبہ کیا ، انڈیا نے پاکستان پر ڈرون اور میزائل بھیجے، میں پاک فوج، نیوی اور فضائیہ کو سلام پیش کرتا ہوں۔ انہوں نے کہا پاکستان کے لوگ کرائسز کے وقت ایک ہو جاتے ہیں، ایسا نہیں ہے کہ اختلافات ختم ہو گئے لیکن کوئی تو بات ہو گی جس پر سب متفق ہیں، میں مودی کا شکریہ اداکروں گا کہ اس نے ایک ایڈوینچر سے سب بدل دیا، 20 دن پہلے کا پاکستان اور آج کا پاکستان بالکل مختلف ہے۔

(جاری ہے)

انہوں نے کہا کشیدگی میں ہم نے ادویات اور خام چیزوں پر کام شروع کر دیا ہے، ڈریپ مکمل ڈیجیٹل ہو گیا ہے، ایسا نہیں ہے کہ ہمارے ملک میں کسی چیز کا علاج ممکن نہ ہو، لوگوں کی چوائس ہوتی ہے کہ وہ کس ڈاکٹر پر اعتماد کرتے ہیں، حیدرآباد کے دونوں بچوں کا علاج جاری ہے۔ انہوں نے کہا انڈیا کی اوقات نہیں ہے کہ وہ پانی بند کرے، مودی نے امریکی صدر سے جنگ بندی کے لیے مدد مانگی۔