Live Updates

بھارت میں کراچی بیکری پر توڑ پھوڑ، پاکستانی شوبز شخصیات کا شدیدردعمل

یہ واقعی نااہل لوگ ہیں، ہمارے پاس بمبئی بیکری ہے، بمبئی سوئٹس اور بمبئی مٹھیائی ہے، کوئی بھی ان کی دکانوں پر دھاوا نہیں بول رہا ہے، دیپک پروانی

جمعرات 15 مئی 2025 23:00

ممبئی / کراچی (اُردو پوائنٹ اخبارتازہ ترین - این این آئی۔ 15 مئی2025ء)بھارت میں کراچی بیکری پر انتہا پسندوں کی توڑ پھوڑ کے بعد پاکستانی شوبز شخصیت نے ردِ عمل دے دیا۔ گزشتہ ہفتے جہاں پاکستان کی افواج نے بھارتیوں کو اشتعال انگیزی کے جواب میں دھول چٹائی وہیں پاکستان شوبز ستارے بھی بین الاقوامی سطح پر پاکستانیوں کی جانب سے امن کا پیغام پھیلاتے نظر آئے۔

جنگ کے ماحول میں ناصرف بھارتی جارحیت کے حامی نظر آئے بلکہ پاکستان کے بغض میں اپنے ہی شہری کی پاکستان کے سب سے بڑے شہر کراچی کے نام سے منسوب بیکری کو مسمار کر دیا۔کراچی بیکری کو شدت پسند ہندوں کی جانب سے تباہ کرنے کی ویڈیو سوشل میڈیا پر وائرل ہو گئی جسے بڑے ہیمانے پر شیئر کیا گیا۔ پاکستان کے معروف فیشن ڈیزائنر و اداکار دیپک پروانی نے بھی مائیکرو بلاگنگ ویب سائٹ پر بھارتیوں کی پرتشدد اور جنونی حرکات پر مبنی اس ویڈیو کو ری ٹوئٹ کیا۔

(جاری ہے)

اداکار نے اپنے ٹوئٹ میں لکھا، یہ واقعی نااہل لوگ ہیں، ہمارے پاس بمبئی بیکری ہے، بمبئی سوئٹس اور بمبئی مٹھیائی ہے، کوئی بھی ان کی دکانوں پر دھاوا نہیں بول رہا ہے، بھارتیوں کا یہ رویہ شرمناک ہے۔دوسری جانب اداکارہ سجل علی نے بھی اپنے فوٹو اینڈ ویڈیو شیئرنگ ایپلیکشن انسٹاگرام پر ایک پوسٹ شیئر کی۔پوسٹ کے مطابق حیدرآباد میں موجود بمبئی بیکری پر پاکستانی جمع ہو کر یکجہتی کا مظاہرہ کر رہے ہیں۔اس پر تبصرہ کرتے ہوئے اداکارہ سجل علی نے لکھا ہے کہ شور سے بھری ہوئی دنیا میں ہمدردی اور محبت ہی اصل حقیقت ہے۔