ایس ایس پی انوسٹی گیشن کی زیر صدارت میٹنگ ،زیر تفتیش مقدمات کی پراگرس کاجائزہ لیا

تھانہ سٹی کے فرنٹ ڈیسک،حوالات تھانہ،ریکارڈ تھانہ سمیت تمام امور کا بھی تفصیلی جائزہ لیا گیا

جمعرات 15 مئی 2025 23:16

راولپنڈی(اُردو پوائنٹ اخبارتازہ ترین - این این آئی۔ 15 مئی2025ء)ایس ایس پی انوسٹی گیشن کی زیر صدارت ایس ڈی پی او سٹی آفس میں میٹنگ کاانعقادکیاگیا،جس میں ایس ایس پی انوسٹی گیشن نے زیر تفتیش مقدمات کی پراگرس اور تھانہ سٹی کے فرنٹ ڈیسک،حوالات تھانہ،ریکارڈ تھانہ سمیت تمام امور کا تفصیلی جائزہ لیا اور ہدایات دیں۔

(جاری ہے)

تفصیلات کے مطابق ایس ایس پی انوسٹی گیشن کی زیر صدارت ایس ڈی پی او سٹی آفس میں میٹنگ کا انعقاد، میٹنگ میں ایس پی راول، راول ڈویژن کے ایس ڈی پی اوز اور ایس ایچ اوز نے شرکت کی، ایس ایس پی انوسٹی گیشن نے زیر تفتیش مقدمات کی پراگرس کا جائزہ لیا اور ہدایات دیں،سنگین نوعیت کے مقدمات میں ملزمان کو ٹریس کرکے گرفتار کیا جائے اور مقدمات کو یکسو کیا جائے، منشیات کے خلاف موثر کریک ڈاؤن جاری رکھا جائے، منشیات کے مقدمات کی تفتیش کی نگرانی ایس ڈی پی اوز خود کریں، ڈکیتی، رابری اور چوری کے مقدمات میں ملوث سابقہ ریکارڈیافتگان کو شامل تفتیش کیا جائے اور ان پر کڑی نظر رکھی جائے،اشتہاری مجرمان کے خلاف کاروائیوں میں تیزی لائی جائے، ایس ایس پی انوسٹی گیشن کا کہنا تھا کہ سنگین مقدمات میں سینئر افسران روزانہ کی بنیاد پر فالو اپ اور پراگرس کی مانیٹرنگ کو یقینی بنائیں،بہترین تفتیش اور موثر پیروی مقدمات سے ہی ملزمان کو قرار واقعی سزادلوائی جا سکتی ہے،ایس ایس پی انوسٹی گیشن نے تھانہ سٹی کا بھی ویزٹ کیا،فرنٹ ڈیسک،حوالات تھانہ،ریکارڈ تھانہ سمیت تمام امور کا تفصیلی جائزہ لیا اور ہدایات دیں۔