ملک بھرمیں انٹرنیٹ سروس تاحال سست روی کاشکار ہے اور صارفین کو ڈیٹا اپلوڈ کرنے اورڈائونلوڈنگ میں دشواری کاسامنا

ہفتہ 13 ستمبر 2025 23:00

اسلام آباد(اُردو پوائنٹ اخبارتازہ ترین - آن لائن۔ 13 ستمبر2025ء)ملک بھر میں انٹرنیٹ سروس تاحال سست روی کاشکار ہے اور صارفین کو ڈیٹا اپلوڈ کرنے اورڈائونلوڈنگ میں دشواری کاسامناہے۔گزشتہ کئی دنوں سے ملک میں انٹرنیٹ سروس کامسئلہ حل نہیں کیاجاسکا۔ذرائع کے مطابق جدہ، سعودی عرب کے قریب سمندر ی انٹرنیٹ کیبلز میں خرابی پیدا ہوئی ہے ۔

(جاری ہے)

اورپی ٹی سی ایل گروپ نے بھی تصدیق کی ہے کہ متبادل بینڈوڈتھ پرکام جاری ہے،خرابی کے باعث SMW4 اور IMEWE کی بینڈوڈتھ جزوی طور پر متاثر ہوئی ہے۔

ترجمان، پی ٹی سی ایل گروپ کے مطابق پاکستانی صارفین کو مصروف اوقات میں سروس کے معیار میں معمولی کمی کا سامنا ہوسکتا ہے، ہمارے بین الاقوامی شراکت دار ادارے مسئلے کو ترجیحی بنیادوں پر حل کر رہے ہیں۔ ترجمان کے مطابق پی ٹی سی ایل کی مقامی ٹیمیں صارفین پر اثرات کو کم سے کم کرنے کیلئے متبادل بینڈوڈتھ کا انتظام کر رہی ہیں،ہم صارفین کے صبر و تحمل کیلئے ان کے شکر گزار ہیں۔