ملک بھر کی طرح خیبرپختونخوا میں بھی یومِ تشکر منایا گیا

مساجد میں قرآن خوانی ، دعاؤں کا اہتمام ،صوبائی دارالحکومت میں 21 توپوں کی سلامی دی گئی،بیرسٹرسیف

جمعہ 16 مئی 2025 11:57

پشاور(اُردو پوائنٹ اخبارتازہ ترین - این این آئی۔ 16 مئی2025ء)ملک بھر کی طرح خیبرپختونخوا میں بھی یوم تشکر منایا گیا۔یہاں سے جاری بیان میں بیرسٹر سیف نے کہا کہ معرکہ حق میں عوام اور افواج پاکستان کی قربانیوں کو خراجِ تحسین پیش کیا گیا۔

(جاری ہے)

انہوںنے کہاکہ فجر کے بعد مساجد میں قرآن خوانی اور دعاؤں کا اہتمام کیا گیا جبکہ صوبائی دارالحکومت میں 21 توپوں کی سلامی دی گئی۔بیرسٹرسیف نے کہاکہ سرکاری دفاتر اور عوامی مقامات پر فجر کے بعد پرچم کشائی کی گئی۔انہوںنے کہاکہ خطبہ جمعہ میں قربانی، وحدت اور تشکر پر روشنی ڈالی گئی۔ مشیر اطلاعات کہا کہ شہداء کے اہلخانہ سے ملاقاتیں اور قبروں پر پھول چڑھائے گئے جبکہ قومی ہیروز کے مزارات پر حاضری، خراج تحسین پیش کیا گیا۔