Live Updates

مچل جانسن کا آئی پی ایل مخالف بیان، بھارتی میڈیا تلملا اُٹھا

مجھے واپس بھارت جاکر میچز کھیلنے کا فیصلہ کرنا ہوتا تو جواب "نہیں" ہوتا : سابق کینگرو فاسٹ باولر

ذیشان مہتاب جمعہ 16 مئی 2025 15:52

مچل جانسن کا آئی پی ایل مخالف بیان، بھارتی میڈیا تلملا اُٹھا

پرتھ (اردو پوائنٹ تازہ ترین اخبار ۔ 16 مئی 2025ء ) انڈین پریمئیر لیگ (آئی پی ایل) سے متعلق سابق آسٹریلوی فاسٹ بولر مچل جانسن کے بیان پر بھارتی میڈیا تلملا اُٹھا۔

43 سالہ سابق آسٹریلوی ٹیسٹ کرکٹر مچل جانسن نے بھارتی کرکٹ بورڈ (بی سی سی آئی) پر الزام عائد کیا کہ بیرون ملک مقیم کھلاڑیوں پر ٹورنامنٹ کے بقیہ میچز کھیلنے کیلئے دباؤ ڈال جارہا ہے۔

(جاری ہے)

انہوں نے کہا کہ اگر مجھے بھارت واپس جانے اور ٹورنامنٹ مکمل کرنے کا فیصلہ کرنا ہوتا تو میرا جواب "نہیں" ہوتا کیونکہ زندگی سے بڑھ کر کچھ نہیں ہے، کسی پر بھی اس کیلئے زورزبردستی نہیں کرنا چاہیے۔

مچل جانسن نے کہا کہ اگر غیر ملکی کھلاڑی خود کو محفوظ نہیں سمجھ رہے تو آئی پی ایل انتظامیہ کو لیگ کو آگے بڑھا کر دوسری ونڈو تلاش کرنی چاہیے۔

سابق کرکٹر نے کہا کہ انڈین پریمئیر لیگ (آئی پی ایل) کو مالی نقصان بہرحال برداشت کرنا پڑے گا۔

واضح رہے کہ پاک بھارت کشیدگی کے بعد سیکیورٹی خدشات کے باعث غیر ملکی پلئیرز ہندوستان جانے سے کترا رہے ہیں جبکہ پی ایس ایل 10 کے بقیہ میچز کیلئے نامور اسٹار نے اپنی آمد کا اعلان کرکے آئی پی ایل کی ریٹنگ کو شدید نقصان پہنچادیا ہے۔