امریکی سینیٹ میں غزہ کی جنگ پر احتجاج کرنے والی معروف شخصیت کو باہر نکال دیا گیا

جمعہ 16 مئی 2025 19:07

واشنگٹن (اُردو پوائنٹ اخبارتازہ ترین - این این آئی۔ 16 مئی2025ء)بین کوہین امریکا میں بین اینڈ جیریز آئس کریم کمپنی کے بانیوں میں سے اور ایک معروف سیاسی سرگرم کارکن بھی ہیں۔غیرملکی خبررساں ادارے کے مطابق انھوں نے امریکی سینیٹ میں ایک اجلاس کے دوران فلسطین میں جاری خون ریزی کے خلاف احتجاج کیا۔

(جاری ہے)

انہوں نے کانگریس پر شدید تنقید کی کہ وہ اسرائیل کو 20 ارب ڈالر کی عسکری امداد دے رہی ہے، جب کہ امریکہ میں غریب خاندانوں کے لیے صحت کی سہولیات فراہم کرنے والے پروگرام میڈی کیڈ کو کم کیا جا رہا ہے۔

کوہین نے زور دیا کہ غزہ میں بھوکے بچوں کے لیے فوری خوراک کی رسائی ضروری ہے۔ اس احتجاج کے دوران انھیں زبردستی اجلاس سے باہر نکال دیا گیا، اور ایک وڈیو میں وہ ہاتھ پاں بندھے پولیس کے ہمراہ دکھائی دیے۔