افواجِ پاکستان نے بھارت کا تکبر خاک میں ملا دیا،بیرسٹر گوہر

اب بہت ہو چکا، ملک کو مزید کشیدگی کا متحمل نہیں ہونا چاہیے، وقت آ گیا ہے معاملات کو سنجیدگی سے سلجھایا جائے، میڈیا سے گفتگو

جمعہ 16 مئی 2025 21:30

افواجِ پاکستان نے بھارت کا تکبر خاک میں ملا دیا،بیرسٹر گوہر

اسلام آباد (اُردو پوائنٹ اخبارتازہ ترین - این این آئی۔ 16 مئی2025ء)پاکستان تحریک انصاف کے چیئرمین بیرسٹر گوہر نے یوم تشکر پر پاکستان کی مسلح افواج کو خراجِ تحسین پیش کرتے ہوئے کہا ہے کہ افواجِ پاکستان نے بھارت کے تکبر کو خاک میں ملا دیا ہے اور قوم کو ان پر فخر ہے۔

(جاری ہے)

میڈیا سے گفتگو کرتے ہوئے گوہر علی نے کہا کہ اب بہت ہو چکا، ملک کو مزید کشیدگی کا متحمل نہیں ہونا چاہیے، وقت آ گیا ہے کہ معاملات کو سنجیدگی سے سلجھایا جائے۔

انہوں نے کہا کہ پی ٹی آئی کے بانی رہنما کبھی بھی کسی خفیہ معاہدے یا مفاہمت پر آمادہ نہیں ہوں گے، ان کی اہلیہ اس وقت جیل میں ہیں، ایسے میں کسی بھی قسم کی ڈیل کا سوال ہی پیدا نہیں ہوتا۔انہوں نے زور دیا کہ پاکستان میں سیاسی محاذ آرائی کا خاتمہ ہونا چاہیے، ملک اس وقت جن چیلنجز سے گزر رہا ہے، ان کا حل سیاسی سیز فائر میں ہے، تاکہ عوامی مسائل پر توجہ دی جا سکے۔