لاہور ہائیکورٹ کے 26ججز آئندہ ہفتے مختلف مقدمات کی سماعت کریں گے،روسٹر جاری

ہفتہ 17 مئی 2025 13:41

لاہور (اُردو پوائنٹ اخبارتازہ ترین - اے پی پی۔ 17 مئی2025ء) لاہور ہائیکورٹ پرنسپل سیٹ پر سوموار سے 26ججز مختلف مقدمات کی سماعت کریں گے۔ نئے ترمیم شدہ روسٹر کے مطابق 12ڈویژن بنچ سول اور فوجداری اپیلوں پر جبکہ 26 سنگل بنچ حکم امتناعی، ضمانت، اندراج مقدمہ سمیت دیگر کیسز پر سماعت کریں گے۔

(جاری ہے)

روسٹر چیف جسٹس لاہور ہائیکورٹ مس عالیہ نیلم کی منظوری سے جاری کیا گیا ہے جو 5جولائی تک نافذ العمل رہے گا۔ اہم بنچز میں جسٹس عالیہ نیلم و جسٹس عبھر گل خان (مختلف کیسز)جسٹس شہباز رضوی و جسٹس طارق محمود باجوہ (نیب و انسداد دہشت گردی)جسٹس شمس محمود مرزا و جسٹس عابد حسین چٹھہ (بینکنگ و کمرشل اپیلیں)جسٹس فاروق حیدر و جسٹس علی ضیا باجوہ (قتل و فوجداری اپیلوں کی سماعت کریں گے۔