پنجاب کے بیشتر اضلاع میں مطلع جزوی طور پر ابر آلود رہنے اور گرج چمک کے ساتھ بارش کا امکان ہے،محکمہ موسمیات

ہفتہ 17 مئی 2025 18:06

لاہور (اُردو پوائنٹ اخبارتازہ ترین - اے پی پی۔ 17 مئی2025ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران پنجاب کے بیشتر اضلاع میں مطلع جزوی طور پر ابر آلود رہنے ، آندھی جھکڑ اور گرج چمک کے ساتھ بارش کا امکان ہے جبکہ دوپہر کے وقت جنوبی علاقوں میں گرد آلود ہوائیں چلنے کی توقع ہے ۔

(جاری ہے)

ترجمان محکمہ موسمیات کے مطابق آئندہ چوبیس گھنٹوں کے دوران پنجاب کے بیشتر اضلاع راولپنڈی، اٹک، چکوال، جہلم، خوشاب، منڈی بہاوالدین اور گجرات میں چند مقامات پر مطلع جزوی طور پر ابر آلود رہنے ، آندھی جھکڑ اور گرج چمک کے ساتھ بارش کا امکان ہے جبکہ دوپہر کے وقت جنوبی علاقوں میں گرد آلود ہوائیں چلنے کی توقع ہے تاہم گزشتہ چوبیس گھنٹوں کے دوران پنجاب کے بیشتر اضلاع میں موسم گرم وخشک رہا۔

لاہور میں کم سے کم درجہ حرارت27 اور زیادہ سے زیادہ42 سینٹی گریڈ ریکارڈ کیا گیا جبکہ ہوا میں نمی کا تناسب17 فیصدرہا۔لا ہور میں آلودگی کی مجموعی شرح139فیصد رہی جبکہ شہر کے مختلف علاقوں جن میں لا ہور امر یکن سکول117، اڈا پلا ٹ117،پولو گرائونڈ115 ، جنریشن پاور لمیٹڈ86،جو ہر ٹائون 124 اورعسکری ٹین میں105 ایئر کوالٹی انڈیکس ریکارڈ کیا گیا۔