Live Updates

دورہ پاکستان کیلئے بنگلادیشی ٹیم کو حکومت سے گرین سگنل مل گیا

ابھی حکومت نے تحریری طور پر آگاہ نہیں کیا، تحریری اجازت ملنے کے بعد کھلاڑیوں سے بات کریں گے‘بی سی بی آفیشل

ہفتہ 17 مئی 2025 22:26

دورہ پاکستان کیلئے بنگلادیشی ٹیم کو حکومت سے گرین سگنل مل گیا

ڈھاکا(اُردو پوائنٹ اخبارتازہ ترین - این این آئی۔ 17 مئی2025ء) بنگلا دیش کرکٹ ٹیم کے دورہ پاکستان کے لیے بنگلادیش کرکٹ بورڈ کو حکومت سے گرین سگنل مل گیا۔بی سی بی آفیشل کے مطابق بنگلادیشی حکومت کی جانب سے گرین سگنل مل گیا ہے، ابھی حکومت کی طرف سے تحریری طور پر آگاہ نہیں کیا گیا، تحریری اجازت ملنے کے بعد کھلاڑیوں سے بات کریں گے۔

(جاری ہے)

واضح رہے کہ بنگلادیش اور پاکستان کے درمیان پانچ ٹی 20 میچز کی سیریز شیڈولڈ ہے جس کے لیے 25 مئی سے 3 جون تک شیڈول کا اعلان کیا گیا تھا۔

پی ایس ایل کی وجہ سے سیریز میں رد و بدل کیا جائے گا، سیریز 27 مئی سے 5 جون تک کرانے کی تجویز دی گئی ہے۔سیریز کا پہلا میچ فیصل آباد کے بجائے لاہور میں کرانے کا آپشن بھی زیر غور ہے، لاجسٹک مسائل کی وجہ سے لاہور میں پہلا میچ کرانے کے آپشن پر غور کیا جا رہا ہے۔