Live Updates

بھارتی فوجیوں کے حق میں پیغام جاری کرنے پرچیئرمین آئی سی سی جے شاہ تنقید کی زد میں

ہفتہ 17 مئی 2025 22:25

سڈنی (اُردو پوائنٹ اخبارتازہ ترین - این این آئی۔ 17 مئی2025ء)بھارتی فوجیوں کے حق میں پیغام جاری کرنے پر چیئرمین انٹرنیشنل کرکٹ کونسل (آئی سی سی) جے شاہ تنقید کی زد میں آگئے۔جے شاہ کی منافقانہ اور دوغلی پالیسی پر آسٹریلوی صحافی میلکم کون نے کہاکہ امن کی علامت ’فاختہ‘ کی تصویر لگانے پر آئی سی سی نے آسٹریلوی کرکٹر عثمان خواجہ پر پابندی لگائی، مگر آئی سی سی چیئرمین جے شاہ کشیدگی میں بھارتی فوج کو کھلم کھلا سپورٹ کر رہے ہیں یہ دوغلا پن ہے۔

آسٹریلیا کے معروف صحافی میلکم کون بھارتی فوجیوں کے حق میں پیغام جاری کرنے پر چیئرمین آئی سی سی جے شاہ پر برس پڑے۔آئی سی سی پر تنقید کرتے ہوئے لکھا کہ جے شاہ نے پاکستان سے کشیدگی کے دوران بھارتی فوج کے حق میں بیان دیا۔

(جاری ہے)

میلکم کون نے لکھا کہ بھارت کے وزیرِ داخلہ کے بیٹے آئی سی سی چیئرمین جے شاہ کشیدگی میں بھارتی فوج کو کھلم کھلا سپورٹ کر رہے ہیں حالانکہ آسٹریلوی کرکٹر عثمان خواجہ نے فاختہ کی تصویر لگائی تو آئی سی سی نے عثمان خواجہ پر پابندی لگا دی، آئی سی سی کا یہ عمل حیران کن اور دوغلا پن ہے۔

دوسری جانب کرکٹ فینز نے لکھا ہے کہ جے شاہ کھل کر جنگ کی حمایت کر رہے ہیں اور وہ بھی آئی سی سی کے ایک رکن، پاکستان کے خلاف، جے شاہ کو چیئرمین آئی سی سی کے عہدے سے ہٹا دیا جائے۔واضح رہے کہ عثمان خواجہ نے مشرقِ وسطیٰ میں امن کے حق میں بیٹ پر فاختہ کی تصویر لگائی تھی، جس پر انہیں پابندی کا سامنا کرنا پڑا تھا۔