کراچی‘ قائد آباد میں مبینہ پولیس مقابلہ، ایک ملزم ہلاک، دوسرا فرار

ملزمان نے گلشن اقبال سے ایک آن لائن ٹیکسی سروس کے ذریعے گاڑی بک کی اور اسے قائد آباد لے گئے

اتوار 18 مئی 2025 11:45

کراچی(اُردو پوائنٹ اخبارتازہ ترین - این این آئی۔ 18 مئی2025ء)کراچی کے علاقے قائد آباد میں پولیس اور مشتبہ افراد کے درمیان مبینہ مقابلے میں ایک ملزم ہلاک جبکہ اس کا ساتھی فرار ہونے میں کامیاب ہو گیا۔

(جاری ہے)

پولیس حکام کے مطابق ہلاک ہونے والے ملزم کی شناخت شاہجہان کے نام سے کر لی گئی ہے، پولیس کا کہنا ہے کہ ملزمان نے گلشن اقبال سے ایک آن لائن ٹیکسی سروس کے ذریعے گاڑی بک کی اور اسے قائد آباد لے گئے۔

قائد آباد پہنچنے کے بعد ملزمان نے ٹیکسی ڈرائیور کو گاڑی سے اتار کر زبردستی گاڑی چھین لی۔شہری کی جانب سے بروقت اطلاع ملنے پر پولیس نے فوری کارروائی کرتے ہوئے ملزمان کا پیچھا کیا اس دوران فائرنگ کا تبادلہ ہوا۔ پولیس کے مطابق فائرنگ کے دوران ایک ملزم مارا گیا جبکہ دوسرا موقع سے فرار ہو گیا،جس کی تلاش جاری ہے، پولیس نے واقعے کی تحقیقات کا آغاز کر دیا۔