شوہر نے تیز دھارآلے سے بیوی کا گلا گاٹ دیا

ملزم نے خود کو بھی زخمی کر لیا،پولیس نے گرفتار کر کے اسپتال منتقل کردیا

پیر 19 مئی 2025 13:28

شوہر نے تیز دھارآلے سے بیوی کا گلا گاٹ دیا

حجرہ شاہ مقیم (اُردو پوائنٹ اخبارتازہ ترین - این این آئی۔ 19 مئی2025ء)خاوند نے بیوی کا گلاکاٹ ڈالا،خود بھی زخمی حالت میں گرفتار۔

(جاری ہے)

تفصیلات کے مطابق گائوں 3ون آر میں ایک افسوسناک واقعہ پیش آیا جہاں غلام علی نامی شخص نے گھریلو ناچاقی پر اپنی اہلیہ صدف بی بی کو تیز دھار آلے سے گلا کاٹ کر قتل کر دیا،پولیس کے مطابق دوران واردات ملزم نے خود کو بھی زخمی کر لیا، اطلاع ملتے ہی پولیس موقع پر پہنچی، آلہ قتل برآمد کیا اور ملزم کو زخمی حالت میں حراست میں لے کر قانونی کارروائی کا آغاز کر دیا، ڈی پی او راشد ہدایت کا کہنا ہے کہ ملزم کو قانون کے مطابق قرار واقعی سزا دلوائی جائے گی اور کسی کو بھی ناحق قتل کرنے کی اجازت نہیں دی جا سکتی، پولیس واقعے کی مزید تفتیش جاری رکھے ہوئے ہے۔