Live Updates

انٹربینک مارکیٹ میں امریکی ڈالرکے مقابلے میں روپے کی قدر میں کمی

پیر 19 مئی 2025 20:02

اسلام آباد (اُردو پوائنٹ اخبارتازہ ترین - اے پی پی۔ 19 مئی2025ء) پاکستان کی انٹربینک مارکیٹ میں امریکی ڈالر کے مقابلے میں پاکستانی روپے کی قدر میں کمی ریکارڈ کی گئی ہے۔سٹیٹ بینک آف پاکستان کے مطابق پیر کو انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 10 پیسے کی کمی ریکارڈ کی گئی ہے جس کے بعد اس کی نئی قیمت 281 روپے 76 پیسے ہو گئی ہے۔

(جاری ہے)

انٹربینک مارکیٹ میں سعودی ریال کی قدر 75 روپے 12 پیسے جبکہ بحرینی دینار کی قدر 747 روپے 44 پیسے رہی۔اسی طرح عمانی ریال کی انٹربینک مارکیٹ میں قدر 731 روپے 91 پیسے رہی، کویتی دینار کی قدر 917 روپے 03 پیسے اور قطری ریال کی قدر 77 روپے 30 پیسے ریکارڈ کی گئی۔دوسری جانب اوپن مارکیٹ میں امریکی ڈالر کی قیمت خرید 282 روپے 25 پیسے اور قیمت فروخت 283 روپے 75 پیسے ریکارڈ کی گئی۔