کتنے بھارتی طیارے تباہ ہوئی راہول گاندھی نے اپنا سوال پھردہرا دیا

پیر 19 مئی 2025 22:24

نئی دہلی (اُردو پوائنٹ اخبارتازہ ترین - آن لائن۔ 19 مئی2025ء)بھارتی اپوزیشن لیڈر راہول گاندھی کا کہنا ہے کہ آج پھر پوچھ رہا ہوں کہ کتنے بھارتی طیارے تباہ ہوئی غیر ملکی میڈیا رپورٹس کے مطابق بھارت کے قائد حزب اختلاف راہول گاندھی نے وزیرخارجہ جے شنکر کا جواب نہ آنے پر اپنا سوال آج پھر دہرادیا۔ انہوں نے کہا کہ وزیر خارجہ جے شنکر کی خاموشی صرف معنی خیز نہیں بلکہ مجرمانہ اور قابلِ مذمت ہے۔

(جاری ہے)

آج پھر پوچھ رہا ہوں کہ کیا بھارت نے اپنے طیارے اس وجہ سے گنوائے کہ پاکستان کو حملوں کا پیشگی علم تھا ایک بیان میں راہول گاندھی نے کہا کہ یہ محض کوتاہی نہیں بلکہ ایک سنگین جرم تھا۔ قوم سچ جاننا چاہتی ہے۔بھارتی میڈیا کے مطابق بھارتی وزیر خارجہ جے شنکر آج سے 24 مئی تک نیندر لینڈز، ڈنمارک اور جرمنی کا دورہ کریں گے، جہاں حکام کو آپریشن سیندور سے متعلق آگاہ کیا جائے گا۔