Live Updates

ایچ ای سی نے چار سالہ ایل ایل بی پروگرام کی اصولی منظوری دے دی

پیر 19 مئی 2025 22:20

اسلام آباد (اُردو پوائنٹ اخبارتازہ ترین - اے پی پی۔ 19 مئی2025ء) نیشنل کریکولم ریویو کمیٹی برائے قانون کا تین روزہ جامع اجلاس ہائیر ایجوکیشن کمیشن آف پاکستان (ایچ ای سی)منعقد ہوا۔ اجلاس میں بیچلر آف لاز (ایل ایل بی) کے نصاب کو زیر غور لایا گیا۔

(جاری ہے)

اجلاس کی صدارت ڈائریکٹر جنرل کریکولم ایچ ای سی ڈاکٹر امجد حسین نے کی جبکہ ممبر پاکستان بار کونسل حسن رضا پاشا، ڈائریکٹر ڈائریکٹوریٹ آف لیگل ایجوکیشن پاکستان (ڈی ایل ای) بیرسٹر اسامہ ملک اور ڈین قائداعظم یونیورسٹی سکول آف لاء ڈاکٹر عزیز الرحمان نے اجلاس میں شرکت کی۔

ڈپٹی ڈائریکٹر (کریکولم) ایچ ای سی ہدایت اللہ کاسی نے بطور سیکرٹری اجلاس میں شرکت کی۔ کمیٹی نے چار سالہ ایل ایل بی پروگرام کی اصولی منظوری دی اور بین الاقوامی بہترین طریقوں اور پاکستان کے لئے قانونی تعلیم کے تقاضوں کو پورا کرنے کے لئے ڈگری کے لئے نئے نصاب کو دوبارہ ڈیزائن کیا۔ مذکورہ اجلاس حتمی نفاذ کے لئے قانون کے تحت درکار مزید منظوریوں کے لئے جاری رہے گا۔