Live Updates

انڈین پریمیئر لیگ ، ممبئی انڈینز اور دہلی کیپٹلز کی ٹیموں کے درمیان 63واں میچ (کل )کھیلا جائے گا

منگل 20 مئی 2025 14:32

ممبئی (اُردو پوائنٹ اخبارتازہ ترین - اے پی پی۔ 20 مئی2025ء) بورڈ آف کنٹرول فار کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں،لیگ میں کل (بدھ کو)مزید ایک میچ کھیلا جائے گا ۔لیگ کا 63واں میچ ممبئی انڈینز اور دہلی کیپٹلز کی ٹیموں کے درمیان وانکھیڑے سٹیڈیم، ممبئی میں کھیلا جائے گا ۔

ممبئی انڈینز کی ٹیم کو مایہ ناز آل رائونڈر ہارڈک پانڈیا لیڈ کریں گے جبکہ دہلی کیپٹلز کو مایہ ناز بائولنگ آل رائونڈر اکشر پٹیل لیڈ کریں گے ۔ ممبئی انڈینز کی ٹیم 14 پوائنٹس کے ساتھ ٹیبل پر چوتھے نمبر پر ہے جبکہ دہلی کیپٹلز کی ٹیم 13 پوائنٹس کے ساتھ پانچویں نمبر پر ہے۔

(جاری ہے)

لیگ کے 18ویں ایڈیشن میں شامل 10 ٹیموں کےدرمیان فائنل سمیت مجموعی طور پر74میچ کھیلے جائیں گے ۔

لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے ۔ لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھنؤ سپر جائنٹس شامل ہیں۔واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔