Live Updates

سپین کا اسرائیل کو گانے کے مقابلے یورو ویژن سے باہر رکھنے کا اعلان

منگل 20 مئی 2025 14:34

میڈرڈ(اُردو پوائنٹ اخبارتازہ ترین - این این آئی۔ 20 مئی2025ء)سپین کے وزیراعظم پیڈرو سانچیز نے کہا ہے کہ گانوں کے مقابلے یورو ویژن سے اسرائیل کو باہر رکھا جائے۔عرب ٹی وی کے مطابق انہوں نے اس امر کا اظہار غزہ میں جاری اسرائیلی جنگ کے تناظر میں کیا ہے۔وزیراعظم نے فلسطینیوں سے اظہار یکجہتی کرتے ہوئے کہا فلسطینی غزہ میں اسرائیل کی بمباری کا سامنا کر رہے ہیں۔

(جاری ہے)

خیال رہے یوکرین کے ساتھ 2022 سے جاری روسی جنگ کی وجہ سے روس یورو ویژن مقابلوں سے باہر ہے۔انہوں نے مزید کہا کہ اسرائیل کو غزہ میں جنگ جاری رکھنے کی وجہ سے یورو ویژن میں شامل نہیں ہونا چاہیے۔ کیونکہ ہم ثقافت میں دوہرے معیار کی اجازت نہیں دے سکتے ہیں۔یورو ویژن کے فائنل سے پہلے ہسپانوی پبلک براڈ کاسٹر نے فلسطینیوں کے حق میں ایک پیغام نشر کیا ہے۔ یہ اس کے باوجود کیا گیا ہے کہ یورو ویژن کے منتظمین نے مقابلوں میں غزہ کا حوالہ و تذکرہ کرنے سے منع کیا ہے۔